"Парис-2024" паралимп манай улсаас 12 тамирчин оролцож байгаа. Наадмын эхний өдөр таеквондогийн шигшээ багийн тамирчин, олон улсын хэмжээний мастер У.Сүрэнжав алтан медаль хүртлээ. Таеквондогийн эмэгтэйчүүдийн 52 кг-ийн жинд "тулалдсан" У.Сүрэнжав нь паралимпын наадмаас алтан медаль хүртсэн Монголын гурав дахь тамирчин, анхны эмэгтэй юм. Тэрээр 2023 онд ДАШТ-ний хүрэл, Азийн аваргын алт, хүрэл медальтай тамирчин юм.

Манай улсаас паралимпид өрсөлдөж байгаа тамирчид:

Пара хөнгөн атлетик, F40 ангиллын бөөрөнцөг түлхэлтэд Ц.Баттулга,

Пара хөнгөн атлетик, T53 ангиллын 100 метрийн тэргэнцэртэй гүйлтэд П.Энхманлай,

Пара жүдо бөх, +90 кг-ын жинд Д.Ганбат,

Пара жүдо бөх, 48 кг-ын жинд Т.Сувд-Эрдэнэ,

Пара жүдо бөх, -70 кг-ын жинд Л.Туруунаа,

Пара жүдо бөх, -90 кг-ын жинд Б.Баттөгс,

Пара пауэрлифтинг, -107 кг-ын жинд Э.Содномпилжээ,

Пара усанд сэлэлтийн S6, SB5, SM6 ангиллын 50 метрийн өврөөр даллах сэлэлт, 100 метрийн араар даллах сэлэлтэд Х.Номуун,

Пара байт харваа Д.Сэлэнгээ,

Пара байт харваа Б.Оюун-Эрдэнэ,

Пара таеквондо, 63 кг-ын жинд Г.Болор-Эрдэнэ,

Пара таеквондо, 52 кг-ын жинд У.Сүрэнжав нар тус тус өрсөлдөж байна.