УИХ-ын шинэхэн гишүүд хуулийн төсөл санаачилж, хууль батлалцах бүү хэл хаана, юу хийх гэж ирсэнээ мэдэхгүй байгаа тухай шүүмжлэлүүд хөврөөд буй. 

Гарсан ганц дэвшил нь царайлаг бүсгүйчүүдээр танхимаа өнгөлсөн гэх ч дээл хувцас, будаг шунх ярихаас хэтрэхгүй байгаа царайлагуудынх нь нэг төсөв хумслаад амжсан бололтой. УИХ-ын гишүүн Баярсайханы дүү жүжигчин Амарсайхан төсвөөс хүчирхийллийн эсрэг кино хийхээр 266 сая төгрөг гаргуулан авчээ. Гэр бүл, хүүхдийн хүчирхийлэл эмзэг сэдэв болоод буй энэ үед энэ хэмжээний мөнгөөр үнэлэгдэхээр кино битгий хэл, реклам ч гараагүй санагдана. Мөн нэгэн найруулагч ижил сэдвээр кино хийх 36 сая төгрөгийн хандив босгохоор дуучин Г.Эрдэнэтунгалагтай хамтран хандивын тоглолт хийж байсан нь саяхан. Үнэлгээний зөрүүтэй уран бүтээлчид байж болох ч үр дүн, хийсэн ажил нь тодорхойгүй байх тул эгч дүүс нийлж төсвийн хөрөнгөөр хувийн бизнесээ дэмжүүлсэн хардлага төрүүлж байна. Хамгийн энгийн хувилбараар бодож үзэхэд 1 сая төгрөгийн цалинтай 266 цагдаа, хүүхэд хамгааллын ажилчдын цалин баймаар. Хэрэв энэ тооны ажилчид байсан бол хүчирхийлэлд өртөх хүүхдүүдийн тоо буурмаар. Идэж ууж, дэмжүүлэх зорилготой Их хуралд залрагчдын цуваа дуусаар гэж халаглахаар.