Ирэх онд болох Токиогийн олимпын наадамд хүрэлцэн ирэх гадны тамирчид, үзэгчдийг Японы Засгийн газар 14 хоногийн хугацаатай заавал хамрагдах тусгаарлалтаас чөлөөлөх төлөвтэй байна. Энэ тухай “Токио-2020”-г зохион байгуулах хорооны ерөнхий нарийн бичгийн дарга Тосиро Муто мэдэгджээ.

“Наадмыг зохион байгуулах хорооны коронавирусний дэгдэлтийг сөрөн зогсох арга хэмжээг боловсруулах асуудал хариуцсан зохицуулалтын зөвлөлийн хуралдааны үеэр халдварт өвчний нөхцөл байдал тогтвортой улс орнуудаас ирсэн тамирчид, үзэгчдийг 14 хоногийн тусгаарлалтад заавал хамрагдахаас нь чөлөөлөх бодолтой байгааг бид мэдэгдсэн” хэмээн тэрбээр хэлжээ. Энэ асуудлаарх эцсийн шийдвэрийг төдийгүй хэр олон үзэгчийг хүлээн авах тухайгаа Муто ирэх оны хавраас өмнө гаргана гэдгийг цохон тэмдэглэжээ. Токиогийн олимпын наадам 2020 оны 07 сарын 24-нөөс 08 сарын 9-нд зохион байгуулагдах ёстой байсан хэдий ч коронавирусний цар тахлын улмаас нэг жилээр хойшлогдсон билээ. Наадам хойшлогдсон хэдий ч “Токио-2020” нэрийг хэвээр хадгалж авч үлдэхээр болсон юм.