Иргэн Д буюу Алтанбулагийн хилээр тээвэр хийх үедээ халдвар авсан гэгдэж буй жолооч тусгаарлалтаас эрүүл гэсэн оноштойгоор гарч, гэртээ харисан, улмаар олон нийтийн газраар хэдэн өдөр явсаны дараа дахин гэрт нь очиж шинжилгээ авахад хариу нь сөрөг гарсанаас үүдэн ойрын хавьтагч нарыг тогтоон бүх нийтийн бэлэн байдал зарласан билээ.
Одоогоор түүний ойрын хавьтагч нар гэж тогтоосон 73 иргэнийг тусгаарлаж, 5 хүнээс нь корона вирусын халдвар илрээд байгаа билээ. Мөн "Хархан нүд" тоглолтыг үзсэн хүмүүсээс хэд хэдэн тохиолдол өөр өөр газарт илэрсэн тухай баттай бус эх сурвалжийн мэдээлэл гараад байна. Иргэн Д болон түүний гэр бүлийн хүнд өнгөрсөн хугацаанд эрүүл мэндийн тал дээр ямар ч зовиур илрээгүй бөгөөд эмнэлэгт ирсэнийхээ дараа "Надад зовуурилах зүйл алга. Хамрын ханиад хүрсэн мэт мэдрэмж л төрж байна. Манай эхнэрийн хувьд ч ялгаагүй, ийм л шинж тэмдэг мэдрэгдэж байна гэсэн." гэжээ. Харин түүний цээжний зураг уушиг хүндрэлтэй гэж гарсан бөгөөд эхнэрийнх нь хэвийн гэж гарчээ. Тэрээр өөрийгөө тамхи татдаг болохоор цээжний зураг хүндрэлтэй гэж гарсан байх, хүүхдүүддээ хамгийн ихээр санаа зовож байна, мөн гадуур гарч буй өөрийнх нь тухай элдэв мэдээллүүд сэтгэлийг нь зовоож буй тухайгаа ярижээ.
