Өнгөрсөн хоёрдугаар сарын нэгэнд Мьянмар улсад цэргийнхэн төрийн эргэлт хийж төрийн эрхийг гартаа авч Ерөнхийлөгч Вин Мьен болон төрийн зөвлөх Аун Сан Сү Чи тэргүүтэй удирдагчийг баривчилсан юм.
Үүнээс хойш тус улсад цэргийнхний эрх мэдлийг эсэргүүцсэн жагсаал тасрахгүй байгаа юм. Өчигдөр Мьянмарын Мандала хотод томоохон жагсаал болж 38 хүн амь насаа алдлаа. Үүний дотор 19 настай Кял Син охины оршуулах ёслол боллоо.
Охин цагдаа нарын суманд өртөж амиа алдах үедээ бүх зүйл сайхан болно гэсэн путволк өмссөн байсан байна. Тэрээр жагсаалд оролцох нь амь насанд нь эрсдэлтэй гэдгийг мэдэж байсан учраас хэрвээ амиа алдсан тохиолдолд эрхтнээ хандивлах болно гэдгээ илэрхийлсэн байна.
Цэргийнхний эсрэг жагссан бяцхан охиныг хүмүүс баатар хэмээн өргөмжилж олон нийтийн сүлжээгээр хүндэтгэл үзүүлсээр байна.
Цэргийнхний харгислал энгийн иргэдэд хүч хэрэглэх асуудал зогсохгүй байгаа ба одоогоор тус улсад 54 хүн цэргийнхний гарт амиа алдаад байна.
