ОХУ-ын Төрийн тэргүүн В.Путин “Зөвлөлтийн ард түмэнд нацизмтай өрнүүлэх тэмцлийн хамгийн хүнд ачаа ирсэн бөгөөд тэд л хамаг муу муухайг ялан дийлж чадсан” гэдгийг дурсан санаж явахыг уриалав. Тэрбээр хурдацтай өөрчлөгдөж байгаа өнөө үед шаардагдаж буй нийтийн аюулгүй системийг бий болгох зорилгоор яриа хэлэлцээ хийх, хамтран ажиллахад Орос улс нээлттэй. Улс орнууд хамтдаа дэлхий дахиныг шинэ аюулаас хамгаалж чадна” хэмээн аугаа их ялалтын 75 жилийн ойн баяраар хэлж байсан билээ.

Тэгвэл энэ жилийн Аугаа их ялалтын 76 жилийн ойгоор Улаан талбайд явагдах цэргийн парадад 12,5 мянган цэргийн  албан  хаагч, 190 гаруй байлдааны техник, 76 агаарын хөлөг оролцоно. Коронавирусийн эсрэг вакцин хийлгэж эсрэг биет тогтсон хүмүүс парадад оролцох тухай Оросын Батлан хамгаалахын сайд Сергей Шойгу мэдээлжээ. Түүнчлэн ялалтын 76 жилийн ойн арга хэмжээ ОХУ-ын 377 хот сууринд болж,  28 хотод цэргийн парад жагсах юм.

Москвагаас гадна 27 хотод болох парадад 47 мянган хүн, 1,6 мянган байлдааны техник, 200 гаруй онгоц, нисдэг тэрэг оролцохоор төлөвлөж буй ажээ.