ЭМЯ-ны мэдээлснээр өнөөдрийн байдлаар халдвар авсан 0-17 насны 4412 хүүхэд байна. Энэ нь нийт батлагдсан тохиолдлын 20% юм.

- 0-4 насны хүүхэд 23,4%

- 5-9 насны хүүхэд 31,9%

- 10-14 насны хүүхэд 32,7%

- 15-18 насны хүүхэд 14%

Одоогийн байдлаар хүүхдүүдийн биеийн байдал хүндэрсэн тохиолдол бага. Гэхдээ хэрэв биеийн байдал нь хүндрэх юм бол амьсгалын зам, бөөр, зарим тохиолдолд мэдрэлийн эд эсүүдийг гэмтээх эрсдэлтэй юм. Өвчлөөд эдгэрсэн ч ядарч туульдах, үс унах гэх мэт тохиолдлууд байгаа. Тиймээс эцэг эх, асран хамгаалагчид хүүхдүүдээ олон хүн бөөгнөрсөн газраар дагуулж явахгүй, хараа хяналтгүй тоглоомын талбай зэрэгт гаргахгүй байх нь нэн чухал.

ЭМЯ-ны хэвлэлийн төлөөлөгч Б.Ууганбаяр "Гадаа тоглоомын талбайд хүүхдүүд амны хаалтгүй, олноороо тоглож байгаа нь халдвар тархах эрсдэлийг нэмэгдүүлэх магадлалтай, тэдэнд халдварын шинж тэмдэг илрэхгүй ч гэр бүлдээ халдвар тарааж болох юм" гэдгийг хэлсэн.