Оросын холбооны улсаас 40 мянган тун "Sputnik-V" вакцин Монгол Улсад дөрөвдүгээр сарын 30-нд ирэхээр болжээ. Энэ нь "Монгол эм импекс" компанийн захиалсан вакцины хоёрдугаар ээлжийн нийлүүлэлт юм байна. Тодруулбал 40 мянган тун "Sputnik- V" вакцин дөрөвдүгээр сарын 30-нд ачигдаж, Инчоны нисэх буудлаар дамжин Монгол Улсад ирэхээр болжээ.

Энэ нь хувийн хэвшлийн вакцины хоёр дахь ээлж бол улсын захиалсан нэг сая тун "Sputnik- V" вакцин тавдугаар сарын дундуур ирнэ гэдгийг Эрүүл мэндийн сайд С.Энхболд мэдээлсэн. Мөн ОХУ-аас Монгол Улсад 300 мянган тун "Sputnik- V" вакциныг бэлэглэх асуудал улс төрийн хүрээнд яригдаж байгааг эх сурвалж мэдээлсэн. 

Дашрамд дурдахад, хувийн хэвшлийн оруулж ирсэн "Sputnik- V" вакцинаар 10 мянга гаруй иргэнийг дархлаажуулаад байгаа юм.