Баянзүрх дүүргийн 25 дугаар хорооны нутаг дэвсгэрт Тээврийн цагдаагийн албаны 10 давхар оффисын зориулалттай барилга барихыг иргэд эсэргүүцэж гарын үсэг цуглуулж эхэлжээ. Тус хорооны Сууц Өмчлөгчдийн Холбоо болон Хэсгийн ахлагчид иргэдийн гарын үсгийг цуглуулж байгаа талаар тус хорооны фэйсбүүк дэх хуудаст мэдээлжээ. Түүнчлэн тус хорооны байранд иргэдийн санал хүсэлтийг хүлээн авч байгаа аж. Тус орчимд хүүхдийн тоглоомын талбай огт байдаггүй нь иргэдийн ийн эсэргүүцэхэд хүргэжээ. 

Иргэд Ерөнхий сайд, Хотын даргад барилга барих зөвшөөрлөө цуцлах хүсэлт хүргүүлсэн ч одоо хүртэл ямар нэгэн хариу өгөөгүй байна. Тавдугаар сарын 20 нд тендерийн хугацаа нь дуусч барилгын ажил эхлэх гэж байгаа тул иргэд ийнхүү тэмцэхээ илэрхийлээд байгаа ажээ.