ЭМЯ-наас Монгол Улс дахь коронавирусийн нөхцөл байдлын мэдээг 2021.05.24-ний 11.00 цагийн байдлаар танилцууллаа.
Улсын хэмжээнд сүүлийн 24 цагт 5849 хүнд шинжилгээ хийхэд 630 сорьцод коронавирус илэрлээ. Монгол Улсын нийт халдварын батлагдсан тохиолдол 5310 боллоо. Хөдөө орон нутаг руу зорчих хөдөлгөөн ихэссэнтэй холбогдуулан сайн дурын шинжилгээ нэмэгдэж байна. Үүн дотроос коронавирусийн шинэ тохиолдол бүртгэгдэж байна. Шинээр илэрсэн тохиолдлуудыг задалбал, Улаанбаатарт 581, хөдөө орон нутагт 49 тохиолдол бүртгэгдсэн байна.
Харамсалтай нь, сүүлийн 24 цагийн хугацаанд 59-88 насны таван иргэн коронавирусийн халдвараар нас барлаа. Нас баралт буурахгүй байгаа учраас иргэд анхаарлаа бууруулахгүй, халдвар авахаас байнга сэргийлэхийг анхаарууллаа.
Улсын хэмжээнд нийтдээ 410 хүн эдгэрч гарсан бөгөөд нийт эдгэрэлтийн тоо 46748 болжээ.
Хөдөө орон нутагт бүртгэгдсэн тохиолдлын тоог задалбал:
-Орхон аймагт 5
-Төв аймагт 3
-Говь-Алтай аймагт 4
-Өвөрхангай аймагт 2
-Архангай аймагт 3
-Сүхбаатар аймагт 15
-Завхан аймагт 2
-Булган аймагт 14
-Увс аймагт 1 тохиолдол тус тус бүртгэгдсэн байна.
Улсын хэмжээнд өнөөдрийн байдлаар нийтдээ 4243 хүн эмнэлэгт хэвтэн эмчлэгдэж байгаагаас хөнгөн 2209, хүндэвтэр 1403, хүнд 509, маш хүнд 122 хүн байгаа юм.
Сүүлийн 24 цагийн хугацаанд 25084 "COVID-19"-ийн эсрэг вакцинд хамрагдлаа. Улсын хэмжээнд 1.8 сая гаруй хүн вакцины нэгдүгээр тунд хамрагдаад байгаа бол 775940 хүн хоёрдугаар тундаа хамрагдаад байна гэж ЭМЯ-наас мэдээллээ.
