АНУ-ын Ерөнхийлөгчийн сонгууль дөхөж байгаатай холбоотойгоор ам.долларын ханш тогтворжиж, алтны үнэ бага зэрэг сэргэсэн боловч 11 сарын 03-ны өдөр буюу өнөөдөр болох сонгуулийн санал хураалттай холбоотой тодорхойгүй байдал нэмэгдээд байна. Нөгөө талаас АНУ-д цар тахлын тохиолдол эрчимтэй нэмэгдэж эхэлжээ. Улмаар ам.долларын ханш чангарч, алтны үнэ буурч байгааг “HSBC Securities” мэдээллээ. Иймд Ерөнхийлөгчийн сонгууль дуустал алтны үнэ ихээхэн савлаж магадгүй байгааг тус байгууллага онцолжээ. Даваа гарагийн өглөөний байдлаар унц алтны спот үнэ 1881.24 ам.доллар болж, 0.13 хувиар өсөөд байна.