Азийн хөгжлийн банк БНХАУ-ын Өвөр монголын өөртөө засах орон болон Монгол Улсын хилийн ойролцоох иргэдийг дэмжих хөтөлбөрт 420 сая ам.долларын санхүүжилт олгохоор боллоо.

Уг хөтөлбөр нь 5 хилийн боомтын дэд бүтцийн байгууламжуудыг сайжруулж, хоёр талт болон бүс нутгийн худалдааны үр өгөөжийг нэмэгдүүлэхэд чиглэх юм байна. Улмаар урт хугацаандаа тогтвортой байдал, үр өгөөжийг нь нэмнэ гэж Азийн хөгжлийн банк үзэж байна. Санхүүжилтийг 3 үе шаттай олгоно гэжээ. Эхний ээлжийн 196.3 сая ам.долларыг Эрээн, Замын-Үүдийн чөлөөт бүсэд зориулна. Улмаар Эрээн болон Бугат хотын 2.95 сая хүнд үр өгөөжөө хүртээж, Монголын талд 3000 ажлын байр бий болгоно гэж тооцжээ.