Япон улсын экспорт есдүгээр сард 4.9 хувиар буурсан бол аравдугаар сард жилийн дүнгээр 0.2 хувиар буурсан байна. Өөрөөр хэлбэл экспортын үзүүлэлт таван сар дараалан сэргэлээ.
Тус улсаас бараа, бүтээгдэхүүн импортолдог гол зах зээлүүдэд “коронавирус”-ийн халдварын тархалт дахин нэмэгдэж байгаа үед ийм үзүүлэлт гарсан нь анхаарал татаж байна. БНХАУ-д экспортолсон бараа, бүтээгдэхүүний хэмжээ өнгөрсөн сард 10.2 хувиар өссөн нь Японы худалдааны үзүүлэлтэд жин даржээ. Экспортын үзүүлэлт сайжирч байгаа нь Японы эдийн засаг сэргэхэд гол түлхэц болж байгаа аж. Хэдий тийм боловч цар тахал энэ байдлыг өөрчилж магадгүй байна. Сүүлийн өдрүүдэд Европ болон АНУ-д “коронавирус”-ийн халдварын тохиолдол огцом нэмэгдэж, хөл хориог чангатгаад байгаа нь эрэлтэд сөргөөр нөлөөлнө гэх хүлээлт бий болгосон юм. Японы экспорт он дуустал сэргэнэ, гэхдээ сэргэх явц удаан байна гэж шинжээчид таамаглаж байна.
