Монгол Улсын Эрдэс баялгийн салбарын өнөөгийн байдал болон ирээдүйн хөгжлийн чиг хандлагыг тодорхойлох, ил тод, нээлттэй байдлыг хангаж, олон талт оролцоог дэмжих зорилготой "MiningWeek&MinePro-2025" арга хэмжээ өнөөдөр эхэллээ.

MiningWeek & MinePro 2025 арга хэмжээний салбар хуралдаан болох Азийн хөгжлийн банкны "Монголын критикал минералын хөрөнгө оруулагчдын форум"-ыг АҮЭБ-ийн сайд Г.Дамдинням нээж үг хэллээ.

Нээлтийн үгэндээ "Аж үйлдвэр, эрдэс баялгийн яамны нэрийн өмнөөс та бүхнийг Монголын Чухал Ашигт Малтмалын Хөрөнгө Оруулагчдын Чуулганд тавтай морилохыг хүсэн мэндчилье. Энэхүү арга хэмжээ нь “Уул уурхайн долоо хоног 2025”-ийн хүрээнд зохион байгуулагдаж буй онцгой үйл явдлын нэг бөгөөд Монгол Улсын уул уурхайн хөгжлийн дараагийн шатны чиг хандлагыг хамтдаа тодорхойлох чухал индэр болж байна" хэмээн онцлов.

Дөрөв дэх жилдээ зохион байгуулагдаж буй Уул уурхайн салбарын нэгдсэн арга хэмжээнд “Эрдэнэс Монгол” нэгдлийн бүрэлдэхүүн 32 компани оролцож, үйл ажиллагаагаа танилцуулж байна. Уул уурхайн салбарын үзэсгэлэн,чуулга уулзалт 2025 оны 09 сарын 11-13-ны өдрүүдэд Улаанбаатар хотын Налайх дүүрэг Тайж хайрхны бэлд зохион байгуулагдаж байна.