Билгийн

Доллар (USD)

Улаанбаатар

ХӨСҮТ-ийн ерөнхий захирал Д.НЯМХҮҮ: Сүүлийн өдрүүдэд ОХУ-ын хилээр орж ирж буй жолооч нараас вирус илэрч байгаа  нь анхаарал татаж байна.

ЭМЯ-ний мэдээлэл

ХӨСҮТ-ийн ерөнхий захирал Д.НЯМХҮҮ:

-Сүүлийн өдрүүдэд ОХУ-ын хилээр орж ирж буй тээврийн жолооч нараас вирус илэрч байгаа  нь бидний анхаарлыг татаж байна. Энэ тал дээр онцгой анхаарч, хяналтаа чангаруулахыг зөвлөж байгаа. Мөн европын орнуудад коронавирусийн халдвар эрс нэмэгдэж буй.

ЭМЯ-ны Шинжлэх ухаан технологийн зөвлөлийн нарийн бичгийн дарга Э.ОЮУНСҮРЭН:

-Өнгөрсөн хугацаанд дэлхийн улс орнууд 113.543 эрдэм шинжилгээний судалгаа хийснээс 3706 эмнэлзүйн туршилт судалгааг хийсэн. Үүнээс 426 туршилтыг хийж дууссан. Дэлхий дахинаа коронавирусийн эсрэг 204 вакцин бүтээх ажлыг хийж байна.

ХӨСҮТ-ийн Дархлаажуулалтын албан дарга О.ДАШПАГАМ:

-Улирлын томууг угтуулж, Монгол Улс нийт 509.500 хүн тун БНСУ-ын вакциныг хүлээн авсан. Ингэхдээ 580 гаруй эрүүл мэндийн төвүүдэд зохион байгуулсан. Дархлаажуулалтын явц аравдугаар сарын 25-ны өдрийн байдлаар 442 мянган хүн буюу нийт 90 хувьтай хамрагдаж байна. Нийлүүлэгдсэн вакцины 70 гаруй хувийг бага насны хүүхдүүдэд хуваарилсан. Нийслэл хотод өнгөрсөн долоо хоногт 10-12 настай хүүхдүүдийг вакцинжуулсан. Эхний ээлжинд бага насны 300 мянган хүүхдийг 88.9 хувьтай хамруулсан. Мөн эрсдэлт бүлгийн эмч, эмнэлгийн мэргэжилтнүүдийг 95 хувьтай хамруулсан.  Хоцорсон иргэд бол харьяа эмнэлэгт хандаж дархлаажуулалтад хамрагдаарай. Дархлаажуулалтын вакцины урвал хоорондын тандалтыг хийхэд вакцинд хамрагдсан нийт хүмүүст ноцтой урвал илрээгүй. Гурван хувьд улайх, халуурах шинж тэмдэг илэрсэн. БНСУ-д үйлдвэрлэсэн энэ вакциныг 2016 оноос хойш Монгол Улс хэрэглэж байгаа.

0 Сэтгэгдэл
Хамгийн их уншсан