Цагаан нуурын боомттой хил залгаа бүсэд коронавирусийн халдварын тохиолдол нэмэгдэж, нас баралт өссөн, мөн тус боомтоор орж ирсэн 2 жолоочоос коронавирус илэрсэн учраас ийн боомтуудыг түр хугацаанд хаах шийдвэр гаргаж хаасан билээ.

ОХУ-ын 2 жолоочийн шинжилгээний хариу өчигдөр 11.00 цагийн мэдээллийн дараа гарсан учраас олон нийтэд хожуу мэдээлсэн байна. Мөн жолооч нарыг тухайн улстай нь холбогдож,  нутаг руу нь буцаасан бөгөөд бусад боомтууд дээр карантины тодорхой зоон байгуулахаар төлөвлөж байгаа аж. Боомтоос нааш жолооч нэвтрүүлэхгүй байх шийдвэр гарсан, ажлын хэсэг ажиллаж байна. Халдвар илэрсэн 2 жолоочтой ойр ажилласан гаалийн ажилтан зэрэг 28 хүнийг тусгаарлаж, шинжилгээ авах ажил үргэлжилж байна.