Билгийн

Доллар (USD)

Улаанбаатар

Бямба, Ням гарагт коронавирусийн шинжилгээ авах цэгүүд Ерөнхий сайд Л.Оюун-Эрдэнэ: Өчигдөр яригдсан жишээнүүд нийгэмд буруу, зөрүү ойлголт төрүүлсэн бол уучлалт хүсье 2021.03.06: Сүүлийн 24 цагт шинээр илэрсэн найман тохиолдлын нэгийнх нь халдварын эх уурхайг тодорхойлж байна Б.Пүрэвдорж: Цар тахал нэрээр завшсан төсвийн хулгайг ил болгоно Ардчилсан намын долоон гишүүн даргын сунгаанд оролцохоор бүртгүүлжээ "Ирэх 4-р сарын 1-нээс танхимын хичээлийг эхлүүлэхээр төлөвлөж байгаа тул багш нарыг вакцинд хамруулна" 19 НАСТАЙ ОХИН ЖАГСААЛД ОРОЛЦООД АМИА АЛДВАЛ ЭРХТНЭЭ ДОНОР БОЛГОН ӨГНӨ ГЭЖЭЭ "Мартын 8, цэргийн баярыг хамт олон, найз нөхдөөрөө тэмдэглэхгүй байхыг зөвлөе" Өнөөдөр 77 хүнээс халдвар илэрсэн нь COVID-19 гарснаас хойш Монгол Улсад хоногт бүртгэгдсэн ХАМГИЙН ОЛОН ТОХИОЛДОЛ болж байна “Үнэн ба зөв” намын дарга А.Отгонбаатар коронавирусийн халдвар авчээ
С.Амарсайхан: Гуравдугаар сарын 1-нээс танхимаар хичээллэхийг түр хойшлуулсан

 

Монгол Улсын Шадар сайд, УОК-ын дарга С.Амарсайхан фэйсбүүк хуудсаараа хүүхэд багачууд, сурагчдад хандан захидал бичжээ.

Тэрбээр "Сайн байцгаана уу?

Эрхэм хүндэт хүүхэд багачууд, сурагчид та бүхэндээ  энэ өдрийн халуун мэндийг хүндэтгэн дэвшүүлье. 

Та нар минь хичээлийн жил дамнан теле болон цахимаар хичээллэж байгаа. Ангийн найзуудаа, багшийгаа, бас сургуулийн танхимаа ч санаж байгаа. 
Гэвч цар тахлын энэ үед олон хүн нэг дор цуглах нь халдвар тархах нөхцлийг улам их нэмэгдүүлж байгаа учраас эх орны минь ирээдүйн эзэд болсон энхрий бяцхан үрсээ эрсдэл аюулаас хол байлгах нь чухал юм. 

Зайнаас хичээллэх нь сурлагын чанарт сөргөөр нөлөөлж байгаа ч танхимаар хичээллэх боломж бүрдэх хүртэл хүүхдүүд та нарыгаа цахим, теле хичээлээ тогтмол үзэж, багшийнхаа өгсөн гэрийн даалгавраа цаг тухай бүрт нь хийж, ээж аав, ах эгчээсээ тусламж зөвөлгөө авч, идэвх чармайлттай суралцахыг хичээнгүйлэн хүсье. 

Чин сэтгэл, хичээл зүтгэл байхад ямар ч хэцүү бэрх нөхцөлд эрдэм номыг шамдан суралцаж болдог тухай “Хүжийн гал” өгүүллэгт гардаг. 
Харин өдгөө цаг хугацаа орон зайн ялгаанаас үл хамааран цахим хичээлээ ухрааж, нөхөж, давтан үзэх,хүссэн үедээ анги хамт олон, багш нартайгаа цахимаар уулзах боломжтой технологийн дэвшилтэт сайхан цаг үед та бүхэн суралцаж байна. 
Хүн өөрөө хичээж цагийг зөв ашиглаж чадвал энэ цаг үе хүн бүрт боломж юм.
Үүний зэрэгцээ цөөнгүй сурагчид цахим сургалтын хичээлдээ бүрэн хамрагдаж чадахгүй нөхцөлд байсаар байгаа тул бүх сурагчидад ижил тэгш боломж бүрдүүлэхийг ах эгч нар нь хичээж байгаагаа энэ дашрамд дуулгая.

Бид бүх нийтээрээ цар тахлын эсрэг тэмцэж буй энэ цаг үед хүүхдүүд та бүхэн хайртай гэр бүл, өөрийнхөө ирээдүй, эх орныхоо төлөө оруулах үнэтэй хувь нэмэр бол хичээл сурлагадаа шамдан суралцах явдал юм шүү. 

Магадгүй, хожим том болоод хүүхдүүд та нар энэ үеийг “Үсэглэлийн баяраа хийж амжаагүй нэгдүгээр ангийнхан”, “Хонхны баяраа цахимаар хийсэн төгсөх ангийнхан” гэх зэргээр дурсан ярицгаах болов уу. 
Халдварын голомтыг бүрэн хумьж, иргэдээ вакцинжуулалтад хамруулахын тулд төр, засгийн зүгээс хатуу хөл хорио тогтоож, айл өрх бүрээс шинжилгээ авч байна. 

Энэ бүх бодлого шийдвэрийн үр дүнд дотооддоо цар тахлын халдварыг бууруулж, аюул эрсдэлгүй болсон цагт хичээл сургуулийг танхимаар оруулахаар төлөвлөж байгаа учраас 3-р сарын 1 нээс танхимаар хичээллэхийг түр хойшлуулсан билээ.

Монголчууд бид “Эрүүл биед саруул ухаан оршдог” хэмээдэг.  Аав, ээж, ах, эгч, эмээ, өвөө нь эрүүл мэнд, цагдаа, онцгой байдал, хил гааль, зам тээвэр, мэргэжлийн хяналтын гээд салбар бүрт цаг наргүй ажилладаг олон хүүхдүүд тэднийгээ юуны төлөө өдөр шөнөгүй зүтгэж байгааг сайн ойлгож байгаа гэдэгт эргэлзэхгүй байна.

Шинэ жилээр Өвлийн өвөөд захидал бичсэн олон хүүхдийн хүсэлт дунд “Коронаг манай дэлхийгээс явуулаад өгөөрэй” гэсэн чин сэтгэлийн үгтэй зурвас байсан байх…

Ертөнцийн хүүхдүүдийн энэ хүсэл удахгүй биелнэ гэдэгт ах нь огт эргэлзэхгүй байна.      
Би өөрөө ААВ хүн. 
Олон олон аавууд надтай адил эрсдэл бүхнээс үр хүүхдээ хамгаалж, эрүүл энх байлгахыг юу юунаас эрхэмлэж байгаа гэдэгт итгэж байна. 

Сайхан цагийг ХАМТДАА авчирч хүүхэд шуугисан их өргөөний  хаалгыг нээцгээе" гэжээ.

0 Сэтгэгдэл
Хамгийн их уншсан