Билгийн

Доллар (USD)

Улаанбаатар

Бямба, Ням гарагт коронавирусийн шинжилгээ авах цэгүүд Ерөнхий сайд Л.Оюун-Эрдэнэ: Өчигдөр яригдсан жишээнүүд нийгэмд буруу, зөрүү ойлголт төрүүлсэн бол уучлалт хүсье 2021.03.06: Сүүлийн 24 цагт шинээр илэрсэн найман тохиолдлын нэгийнх нь халдварын эх уурхайг тодорхойлж байна Б.Пүрэвдорж: Цар тахал нэрээр завшсан төсвийн хулгайг ил болгоно Ардчилсан намын долоон гишүүн даргын сунгаанд оролцохоор бүртгүүлжээ "Ирэх 4-р сарын 1-нээс танхимын хичээлийг эхлүүлэхээр төлөвлөж байгаа тул багш нарыг вакцинд хамруулна" 19 НАСТАЙ ОХИН ЖАГСААЛД ОРОЛЦООД АМИА АЛДВАЛ ЭРХТНЭЭ ДОНОР БОЛГОН ӨГНӨ ГЭЖЭЭ "Мартын 8, цэргийн баярыг хамт олон, найз нөхдөөрөө тэмдэглэхгүй байхыг зөвлөе" Өнөөдөр 77 хүнээс халдвар илэрсэн нь COVID-19 гарснаас хойш Монгол Улсад хоногт бүртгэгдсэн ХАМГИЙН ОЛОН ТОХИОЛДОЛ болж байна “Үнэн ба зөв” намын дарга А.Отгонбаатар коронавирусийн халдвар авчээ
Шүлснээс коронавирус илрүүлэх оношлуурыг монгол эрдэмтэд бүтээх, хэрэглээнд нэвтрүүлэх төслийг эхлүүлжээ.

Анагаахын Шинжлэх Ухааны Үндэсний Их сургууль /АШУҮИС/-ийн эрдэмтэд SARS-Cov-2-ийг шүлсэнд илрүүлэх шинэ ПГУ оношлуур бүтээх, хэрэглээнд нэвтрүүлэх төслийг эхлүүлжээ.

Тус төслийн багийн төлөөллийг өнөөдөр Эрүүл мэндийн сайд С.Энхболд, Эрүүл мэндийн яамны Төрийн нарийн бичгийн дарга Ц.Эрдэмбилэг нар хүлээн авч уулзлаа.

Шүлснээс шинжилгээ авч коронавирусийг илрүүлэх оношлуурын төслийн ажлыг АШУҮИС-ийн эрдэмтэд 2020 оны 12 дугаар сард эхлүүлж 2021 оны 3 дугаар сард дуусгахаар ажиллаж байна. Төслийг Анагаахын ухааны доктор, дэд профессор Д.Нямбаяр, Зөвлөхөөр Анагаахын ухааны доктор, профессор, академич Г.Болдбаатар нар ахлан удирдаж АШУҮИС-ийн 10 гаруй эрдэмтэн багш нарын бүрэлдэхүүнтэй ажиллаж байна.

SARS-Cov-2-ыг оношлуураар илрүүлэх уг төсөл нь PНХ-ийг шүлсэнд илрүүлэх бодит хугацааны ПГУ-ын технологийг боловсруулж оношлуур бүтээх аж. Уг оношлуурыг төслийн хугацаанд бүтээж, үндэсний хэмжээнд хэрэглээнд нэвтрүүлэхээр эрдэмтэд ажиллаж байгааг танилцуулав. Шүлснээс вирус илрүүлэх оношлуур бүтээх ажил үр дүн сайтай яваа аж.

Эрүүл мэндийн сайд С.Энхболд эрдэмтдийн хийж буй шинжлэх ухааны аливаа бүтээлийг яам бодлогоор дэмжинэ гэдгийг тодотгоод, уг төслийн багийг бүх талаар дэмжиж, шаардлагатай туслалцааг үзүүлнэ гэдгээ уулзалтын үеэр илэрхийлэв.
Шүлснээс вирус илрүүлэх оношлуур бүтээх уг төсөл амжилттай хэрэгжсэн нөхцөлд "COVID-19" -ийн шинжилгээг авч буй арга хэлбэрийг хялбаршуулж шүлснээс илрүүлэх боломж нээгдэх юм.

0 Сэтгэгдэл
Хамгийн их уншсан